Chesta paggena è stata leggiuta du' vote e mo è fernuta.
— 18 —
VIII.
Basta, p'abbrevià, nu bello juorne
pe lliguardo a stu Cane, 'e palatine
làssano a Carlo mmiezo a li taluorne
e correno pe vuosche e pe mmarine.
E Carlumagno, sbruvignato 'e scuorne,
ammenacciato da li sarracine,
cerca n'aiuto a Cane, e manna attuorne,
e v'assicuro, steva ncopp''e spine!
Ma 'o Macanzese, cuglienno 'o mumento
che Carlo in Frangi sta sulo tremmanno,
scappa, va a cumbinà nu riggimento,
s'aunesce c''o Surdano d''a Turchia,
e marcia su Parigge murmuranno:
— Mo' sta chiuvenno dint''a terra mia!
