Paggena:'E scugnizze - Gente 'e malavita.djvu/15

'A Wikisource.
Chesta paggena è stata leggiuta du' vote e mo è fernuta.

III.

Vanno a stènnere ’a mana, e ’o capo ’e ll’uorte
   pe cumpetenzia ha da fa’ isso ’a parte!
   Primma te nfila na carretta ’e muorte,
   po’ caccia ’a dint’’a sacca o’ mazzo ’e carte.

—"L’asso nun magna!" E chi fa l’uocchie stuorte,
   perde ’o deritto suio quanno se sparte!
   Mmesca, taglia e dispenza. ’O vuo’ da’ tuorte?
   Chillo è cchiù gruosso ’e lloro, e sape l’arte.

’A parte ’e ll’asso, chella llà le spetta,
   e so’ ddoi parte; e po’ da chella ’e ll’ate,
   na retagliella pure ’a pò luva’!

Doppo, se magna. E l’asso guarda e aspetta;
   fa sputazzelle cu ll’uocchie nturzate,
   e tene na speranza ’e nu chi sa…



15