SCENA 2.ª
Carmela. e detta.
Carmela — (spinge l’invetriata e guarda, dalla porta, verso Giulietta, che piange) Giuliè! Si’ tu ca staie chiagnenno? Che t’è succieso?
Giul. — Mammella!...
Carm. — Ah! fosse viva ’a bonanema ’e mamma toia!.. Ma ’a colpa è stata ’e pateto, a spusarse chella furastera!... (poichè la bambina si sostiene il braccio sinistro con la mano destra, le domanda): Che t’ha fatto?
Giul. — M’ha vattuta!
Carm. — E’ senza core chella femmena... Ma che ll’ è fatto?...
Giul. — Niente!
Carm. — E va buò... nun chiagnere... T’ha fatto male?
Giul. — C’ ’o bastone...
Carm. — Ma chi?... Mammella?
Giul. — No mammella... don Federico...
Carni. — (con l’aria di chi à tutto compreso) Aggio capito... E papà nun ce steva?
Giul. — Ah, no! Si nce steva papà, nun me vatteva...
Carm. — E mammella c’ha ditto?
Giul. — M’ ha tirate ’e capille e m’ha ditto: « Nun di’ niente a pateto, si no te dongo ’o riesto... »
Carm. — (con curiosità, accarezzando la fanciulla) Ma pecchè?
Giul. — (vergognosa, portandio le mani agli occhi). No... niente...
Carm. — Io saccio tutte cose; cu me può parlà... Chella, mammella, soffre ’e stu male...
Giul. — Si ’o sapesse papà!
Carm. — Ma c’ hanno fatto
Giul. — (con malizia, a mezza voce) Se so’ vasate...
Carm. — Mbe’? E che nce sta ’e male? (sotto voce): Gesù! Gesù!
