core, comme a l’ostia dinto ’a custudia...
Cristinella — Uh, chisto quanno parla è ’no zucchero!...
Carmela — (a Cristinella) E ajuta ’o carro ’a scesa, ossà!..
Ciro — ’O cuorpo steva ncatenato; ma l’anema se ne volava sempe a ddo tte... L’anema conta....
Carmela — All’anema ’e chi m’é nato, che non m’ è nato nisciuno figlio e pozzo mannà ’a jastemma... Lasseme!... ’A mala paglia che ve vatte... Me ne voglio ji’...
Cristinella — (trattenennola) Embè, ’e che ve mettite appaura?...
Carmela — Vattè, che io ’a paura ’a lassaje ’ri cuorpo a mammema! Lassa!
Ciro — (afferrannola p’’a mana) Co st’uocchie ’e ffuoco...
Carmela — E quanno lasse?
Ciro —.... co sti lampe che daje ’a dinto a st’ uocchie tigrate... (L’abbraccia)
Carmela — All’ arma ’e mammeta!
Trase Papele
