Chesta paggena è stata leggiuta.
ATTO UNICO
’A primma cammera comme se trase dint’a casa e Papele e Carmela a Torre d’ ’o Grieco. ’Na tarda ’e chiuppo, bona massiccia, ’m miezo ’a cammera, co ’no tagliere ’n coppa, c ’o laganaturo pe fa’ ’a pasta a mmano. ’A porta d’ ’a strata, a ’o muro ’e faccia, co ddoje ceppe ’e corna ’n coppa. ’A cca e ’a llà d’ ’a porta, duje cumò; ’n coppa a uno ’o bbusto ’e Santa Briggeda; e, ’n coppa a l’auto, ’o bbusto d’ ’a Madonna d’ ’o Carmene, co ’e lampe nnanze. Papele e Cumpà Nicola traseno chiaccbiarianno d’ ’a porta ’e strata.
Nicola — Tu che capa tiene? Vi che tu ’o passe ’o guajo! T ’o faje co ’e mmane toje stesse!
Papele — A me, a me no me passa manco pe l’architrave d’ ’o cerviello d’essere geluso... Trovateme uno che po’ dicere ch’io so’ geluso!
Nicola — Eh, uno e viene me secuta!
Papele — Io tengo chill’angelo ’e mugliera!.. Chella é ’a curona d’ ’a capa mia! Si non m’ ’a fosse pigliato, io darria fuoco a l’erba verde pe m’ ’a pigiià!
