Paggena:'E Lluce-luce.djvu/80

'A Wikisource.
Chesta paggena è stata leggiuta.
78
Poesie



’A PROVA


’Nu giovedí mmatina,
m’aggia purtà ’ncampagna,
pe’ ’na cupa sulagna
d’ ’a Torre, a Nunziatina.

Llà ce sta ’na cantina
stramana, addo’ se magna
buono. Bbona cucina;
staie sulo e se sparagna.

Ce sta ’nu sito muorto:
’nu tre parme ’e turreno
ca seenne ’ncopp’ ’o Puorto

pe’ quatto o cinche grare.
Sotto ce passa ’o treno
ca va a Castiellammare...