Chesta paggena è stata leggiuta.
68
Poesie
O PRICETTO
Quann’ è sguigliato ’o ggrano dint’ ’a testa,
tu di’ ch’è Pasca! E annoccalo ’stu ggrano!
Ca quanno ll’ ’e annuccato, nun te resta
che mannarlo a’ parrocchia a’ ’o parrucchiano.
Tu; n’ata; ’a zelatrice e ’a penitente;
s’ ha da fa ’stu sepolcro, ’o ggiovedì...
E Giesù Cristo t’ è ricanuscente;
ca si faie ’nu penziero, t’ accunzente,
e... si ’o cirche ’na cosa... dice sì...
Ma quanno sguiglia ’o ggrano dint’ ’a testa
e ll’ ’e annuccato... Va a d’ ’o cunfessore.
Ca si ggiovedì santo cagne vesta,
ggiovedì santo cagne pure core!
