Paggena:'E Lluce-luce.djvu/55

'A Wikisource.
Chesta paggena è stata leggiuta.
53
Core e penziero



’A CUPERTA


E steva sempe c’ ’o telaro ’nzino;
ma menava ’nu punto ogne mez’ora.
Faceva ammore cu’ don Pascalino
ca nne teneva rrobba ’a parte ’e fora!
Ma s’ ’a ’ntenneva cu’ ’nu milurdino,
ca, ’na sera, ’nu poco fatto a vvino,
for’ ’a loggia ’astrignette e a’ ’a vasaie...

E steva sempe c’ ’o telaro ’nzino;
ma menava ’nu punto ogne mez’ora...
E ’sta cuperta nun ferneva maie!...

Quanno spusaie ’nce foie ’nu gran festino.
Polca e quatriglia ’nfin’ all’urdim’ora...
’Nmieze ’e ’mmitate steva ’o milurdino,
che cantava, e cantaie: «Ricordi ancora!»