Chesta paggena è stata leggiuta du' vote e mo è fernuta.
49
Core e penziero
’O ’NTRATTIENO
— Zitte, guagliune. Tutte ’e piccerille
venessere cu’ me. Mammà s’addorme...
E nun se po’ addurmì pe’ bbia d’ ’e strille.
Si mme date ’na forbice e ’nu foglio,
i’ ve rentaglio ’e stelle.
Bravo. Accussì... Ve voglio
fa’ stelle ’e tutte forme.
Grosse tante, mezzane, piccerelle...
A quatto e cinche ragge...
E chesta è ’a stella c’accumpagna ’e Magge
ca vanno add’ ’o Bammino
dint’ ’a nuttata ’e Pasca Bifania...
Guardate quanto è bella!
Cinche ragge e c’ ’a coda. È pe’ Maria,
ch’é ’a cchiù piccerenella...
