Chesta paggena è stata leggiuta.
37
Core e penziero
E v'è rimasta pure 'na pellecchia
'ncopp' 'o vraccio...
Pare 'na macchia 'e sango...
Permettete?
V' 'a levo. Comm'è fina
'sta pelle vosta... e comme è avvellutata:
mme sciulia sotto 'e ddete...
E parite cchiù bella, stammatina.
'O ffuoco, comme fosse. v'ha appezzata.
State cchiù culurita...
Chiù ccerto 'e che — so' mmaccarune 'e zita...
Ma i' mme ne vaco... Addio! Ca si m'assetto
nun me ne vaco cchiù...
E succede c'aspetto...
ca ve mettite a ttavula... p'avè
'nu vaso c' 'o sapore 'e 'stu rraù!
