Chesta paggena è stata leggiuta du' vote e mo è fernuta.
29
Core e penziero
E tante e tante vote 'aggiu 'ncuntrata
all'istess'ora e pe' ll'istessa strata,
pe' 'ncopp' 'o marciappiere senza sole,
c' 'a tengo a mmente tutt' 'a cammarata.
Nun so cchiù 'e vinte... (Comme 'aggia chiammà
sì nun so' ppiccerelle, né ffigliole;
e si so' vecchie... piccule d'età?)
Nun so cchiù 'e vinte. L'una affianco all'ata:
'A bella e 'a brutta: 'a chiatta e 'a delicata.
E vanno 'ncumpagnia; ma stanno sole...
E nun sanno addò vanno e... sanno 'a strata.
Guardano attuorno... L'uommene? Accussì...
Ma... guaglione che rrideno... e ffigliole
che passano cantanno... Ah!... chelle sì!
