Chesta paggena è stata leggiuta du' vote e mo è fernuta.
299
Canzuncine all'amico malato
’A VEGLIA
— Amico, ’o ssaie ch’è ottombre? È giovedì,
fatte na passiata p’ ’a campagna.
Mo ’ce stongh’ io; tiene chi t’accumpagna...
Iesce... Risciata... Nun t’appucundrì.
Guarda che sole! Autunno, è comme fosse
’na primmavera. ’E ffronne so’ lucente.
E ncopp’a chella loggia — tiene mente —
’e fronne verde se so’ fatte rosse.
Iesce... cammina... Va.
Mo’ nun se suda comme ’o core ’e ’stà.
’Nce steva ’o ppoco ’e viento e s’è calmato...
Iammo. ’Nchiuso ccà dinto, amico mio,
te pierde ’o mmeglio. E comme si’ ustinato...
Me faie sentì currivo...
Pare...
— Nu muorto?
— No! pare ’nu vivo
che fa veglia a nu’ muorto...
— Ca songh’io!
