Chesta paggena è stata leggiuta.
285
Alleramente
’A NOTTE
’A notte c’ ’o suonno nun vene,
nT appiccio ’nu miezo sicario
e penzo. E te penzo. Che bene!
Nun tengo chiù fede! Chi ’a tene,
se dice ’nu bellu rusario
’a notte, c’ ’o suonno nun vene!
So’ ’e quatto. A vint’anne, a chest’ora,
cantavo, c’ ’amice, p’ ’a via.
E mamma, che campa e che ancora
mme conta sti ccose e ’na sora
’na povera sora d’ ’a mia,
tremmanno aspettavano fora.
