Chesta paggena è stata leggiuta.
276
Poesie
Si vene, ’a sera, pe’ ’na partita,
sia benvenuto. Nu litro ’e trenta.
I’ mo’ già penzo che sarrà ’sta vita,
ca mme chiamma e me tenta!
Vevo e dormo e nisciuno me ’ncuieta...
e all’ora stabilita,
canta ’na ciucciuvettola e mme sceta!
I' nun me voglio piglià veleno...
Addio, canzone, ca so’ turmiente!
Voglio sentere ’a pala int’ ’o turreno;
’o chianto d’ ’e pariente...
E quanno vene ’a morte ’a parta mia,
faccio ’e ll’esequie ammeno:
m’ ’o ffaccio appere... ch’è nu passo ’e via!
