Paggena:'E Lluce-luce.djvu/267

'A Wikisource.
Chesta paggena è stata leggiuta.
265
Fuoco e furtuna


E ’o tipo allero? ’O tipo sciampagnone,
chillo che rride sott’ ’e scuppettate?
Carmeniello De Sio pure ’o cannone
                                             piglia a rresate!

Ah! Beneditto chillo ca nun chiagne
e ca ride e pazzea senza penziere!
Caccia muttiette e piecche p' ’e cumpagne
e t’ ’e mmantene notte e ghiuorno allere!

E canta; «Amice, c’a la guerra state,
quanta zetielle e ’nnammurate site,
nun v’apprettate pe’ li nnammurate,
                                             si no murite!

Si tenite ’na sora, e vuje penzate,
e si tenite mamma e vuje chiagnite:
ma nun chiagnite pe’ li ’nnammurate
ca li llacreme tutte ’nce perdite...»