Paggena:'E Lluce-luce.djvu/232

'A Wikisource.
Chesta paggena è stata leggiuta du' vote e mo è fernuta.
230
Poesie


RASSIGNAZIONE

Nun te mettere a ’o viento ’o mese austo,
e no vicino ’o ffuoco ’into frevaro.
Si ’o piello ’o tiene caro,
nun fa’ maje chello ca te dà chiù gusto.

’O munno sa’ chi ’ha fatto? ’O Pateterno.
E ’o Pateterno è ghiusto:
’O ffaceva isso, si ’o vvuleva fa’!
E ce deva ’o calore dinto vierno,
e ’o friddo ’int’all’està!