Chesta paggena è stata leggiuta du' vote e mo è fernuta.
21
Core e penziero
Guarda 'nu poco... po'... non ne po' cchiù,
e se ne va chiagnenno e suspiranno:
«Ma 'a pozzo mannà sola?»
Che ghiate a fà... che ghiate a fa a 'sta scola
d' 'o Giesù?
Avite ditte a 'na cumpagna vosta
ca v'ha spiato: «Papà tuo che fa?»
«Mio padre? Sta... impiegato sopra 'a Posta.»
E nun avite ditto 'a verità...
E avite ditto pure 'na buscia,
dicenno l'indirizzo a 'o direttore...
Gnorsì... Vuie state 'e casa a cchella via...
dint' 'a cchillu palazzo, sissignore...
Ma 'o quarto piano no... nu' state llà...
Vuie nun tenite 'stu...
superbo appartamento...
E si è pe' farve rossa ogne mumento,
che ghiate a fà...
che ghiate a fa a 'sta scola d' 'o Giesù?!...
