Paggena:'E Lluce-luce.djvu/222

'A Wikisource.
Chesta paggena è stata leggiuta du' vote e mo è fernuta.
220
Poesie


FELICITÀ

E ’o punto, l’ora, ’o juorno aggiu penzato:
San Ciro, all’una, ’o juorno ’a Cannelora.
Annanz’ ’a chiesia, comme a ttanno, ancora
ce sta ’nu sordomuto e ’nu cecato.

Viate a lloro! Pass’ ’a figliulella,
bella comme si’ tu da cap’ a ’o pede...
Chillo c’ ’a vede... nun po’ di’: « Si’ bella! »
E chillo c’ ’o po’ dicere... n’ ’a vede.