Paggena:'E Lluce-luce.djvu/211

'A Wikisource.
Chesta paggena è stata leggiuta du' vote e mo è fernuta.
209
Sale e sapienza


’O MASTERASCIA

— Puort’ ’o cappotto? Fa chistu calore!
Comme nun muore ’e cauro lloco ssotto?
— Mme songo appiccecato c’ ’o sartore,
c’avanza trenta lire ’e ’stu cappotto.

Ma che mme ’mporta? Ll’ommo pusitivo
sai chi se tene amico? ’O masterascia.
Ca si nun po’ truvà chi ’o veste, vivo,
tene ammeno chi, muorto, lle fa ’a cascia!