Chesta paggena è stata leggiuta.
169
Canzone
LUCE, SOLE!
Luce ’o sole? E stongo allero
e mme scordo ’e ’nfamità!...
Si mme passe p’ ’o penziero
cu’ chist’uocchie belle e nire,
te nne caccio la pe’ llà...
Ma ca i’ parlo? Cu’ ’e pparole,
dico a me, che se nne caccia?
Vavattenne! Tengo ’o sole
ca m’abbraccia...
............
Luce, sole! Luce, Sole!
Dint’all’uocchie d’ ’e ffigliole,
dint’ ’e core ’nnammurate,
dint’ ’o vierno comm’ ’a state...
dint’ ’e vierze d’ ’e ccanzone!
E fa tutte ’e core buone...
Luce, sole!
