Paggena:'E Lluce-luce.djvu/169

'A Wikisource.
Chesta paggena è stata leggiuta.
167
Canzone


C’arille cantature
sceta ’sta primmavera
pe’ ll’èvera cenèra,
p’ ’e ssepe e ’mmiezo ’e sciure!

Cantante e sunature,
è ’na pusteggia, ’a sera!
Si ’a luna sta cchiù allera
cchiù allera ȇa sta tu pure!

Oi scrupulosa e bella,
scinne ’sta gradiatella,
senza pantufulille
pe’ nun ta fa sentì!

...’Nu vaso a pezzechille
primma ’e te ne saglì!