Chesta paggena è stata leggiuta.
160
Poesie
’O SURDATO TENE VINT’ANNE!
— Signore capitano,
faciteme ’o favore,
mettitece na mano
pe’ tutte sti ccanzone appretta core!
Cca, nun è overo niente
nisciuno penza o chiagne!
Nuie stammo alleramente;
se ride o se pazzea mmiez’ ’e cumpagne!
’O surdate tene vint’anne!
E a vint’anne che vuo’ penzà.
Vota o ggira dint’a sti panne
pienze... o comme te voglio amà!
Tu a vint’anne che vuo’ penzà?...
