Chesta paggena è stata leggiuta du' vote e mo è fernuta.
13
Core e penziero
Ma, cecata e comm'era, 'a puverella
tutte sapeva 'e strate d' 'e ccampagne;
e comme po' saglì 'na pecurella
s'arrampecava pe' copp' 'e mmuntagne...
pe' 'na chioppa 'e nucelle; ddoie castagne;
ddoie sproccole pe' fa' 'na sarcenella...
E cu' ll'acqua, cu' 'e granele, c' 'a neva,
steva 'mmiez' 'o curtiglio, a vintunore.
—Ca puozze addeventà 'nu Munzignore!...
'a Serpa tutte 'e vvote mme diceva...
Povera Serpa! Nun penzava 'a freva
ca m'aveva abbruscià, chiù appriesso, 'o core!...
Ca 'na matina 'na napulitana,
ca sapeva parlà pure francese,
me 'ntussecaie 'sta vita paisana
comme mettette 'o pede int' 'o paese...
Ca me n'annammuraie doppo 'nu mese,
pe' mezza vota ca lle dette 'a mana!
