Paggena:'E Lluce-luce.djvu/145

'A Wikisource.
Chesta paggena è stata leggiuta.
145
L'urdemo ammore


VERNATA

I.

M’aggiu luvato l’àbbeto ’e staggione,
e m’aggio miso chillo d’ ’a vernata.

Caccianno ’nu custume d’ ’o stipone,
(chillo che tanto te piaceva a te!)
vuo’ sentere ’a fragranza ’e nu ciardino?

Sotto Natale te tenette ’nzino
— E’ n’anno! E’ n’anno! — tutta ’na serata!
Fuie quanno te mangiave ’e mandarinole
e me menava ’e scorze ’ncuollo a me!