Chesta paggena è stata leggiuta.
127
L'urdemo ammore
III.
I’ mamma tengo e tu mamma nun tiene.
Tu nun l’appicce cere pe’ ’st’ammore,
e i’ pe’ ’st’ammore nun ’a veco maie...
Ca pe’ ’st’a minore che ’nce appiccia ’e vvene,
si’ nu’ starnino ’nu juorno core e core,
’nu juorno sulo!... già ce pare assaie...
Nisciuno, a mmunno, s’è vuluto bbene
c’ ’a stessa smania, ca ’nce conta ll’ore;
nisciuno, nzino a mo’, tanto s’amaie...
E si mammeta toia ’nzuonno te vene,
nun ti schiantà, nun sentere dulore:
Vene pe’ dirte ca te perdunaie!...
Si stessa mamma mia... nun me trattene
pe’ mme vasà... mme tene mente; more...
ma dice: « Figlio, va... ch’ ’e pressa vaie... »
