Ma ’o zio... c’ ’o pede ancora dint’ ’o tira-stivale,
se fa piglià ’na carta ’ncopp’a ’nu cumuncino:
– «Vuo’ sentere ’a canzone c’ha scritto ’n Tribbunale
Don Giulio Genoino?»
E legge cu’ malizia: «Nzórate, nzo’... Canzone.
Cielo! E lu matremmonio! L’ommo face dannare.
Pienz’ogge a lu vattesemo. Dimane a lu pesone.
Oie chi se vo’ ’nzurare...
Si ’ncaso maie ’no ggiovane vale arapì famiglia
pecché ll’arte d’ ’a femmena lo fece ’nnammorare,
è meglio che na chélleta porzì ’ntunno lo piglia
o che se votta a mmare...»
..........
Ma tutto ’nzieme... scenne ’na lacrema lucente
da ll’uocchie belle ’e Grazia, schiattosa ’e giuventù.
E dice a ’o zio:—«Fernitela! Nun me ne mporta niente...
Nun ’a liggite cchiù!»
’E ssette. Dint’ ’a villa Napule s’è scasata.
’Nu zio cu ’na nepota. ’Na mamma cu’ ’na figlia...
D’ ’e Virgene, d’ ’o Buvero, da miez’ ’a Nunziata,
da vascio all’Acquaquiglia.
Paggena:'E Lluce-luce.djvu/121
Chesta paggena è stata leggiuta.
119
’O Cinquanta
