Paggena:'A storia nova - Ferdinando Russo.djvu/41

'A Wikisource.
Chesta paggena è stata leggiuta du' vote e mo è fernuta.

I.


SCIORE d’ ’a giuventù d’ ’a terra nosta!
Core d’acciaro! Vui stìveve ajere
sott’ a nu sole ca de luglio arrosta,
o senza manco a luna, juorne e sere,
faticanno ’ncampagna o ’nponta ’a costa,
piscature, massare, carrettiere,
quann’a tromba è sunata! ’A Patria chiamma.
Have abbesuogno ’e chisti figli ’e mamma.