Paggena:'A storia nova - Ferdinando Russo.djvu/19

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.

XIII.


Quanto so’ belle! Làssano ’e ffamiglie,
làssano ’e mamme, ’e ssore, ’e nnammurate;
nun songo cchiù nepute e manco figlie!
Tuttuquante vonn’essere mbarcate!
’O sole ’e sferza pe migliare ’e miglie?
’O viento ’e ttaglia ’a faccia? A chi ’o ccuntate
Una parola ’e ssiente dì’: — Vittoria!
Po’ vide scappà ’e Turche… É scritta ’a Storia!



— 15 —