Paggena:'A musica d' 'e cecate - Raffaele Viviani - 10 commedie.djvu/12

272

Raffaele Viviani

Ferdinando — P’’a ringrazia’. Chella ce guarda ’a vista ’e ll’uocchie^[1]

Don Antonio (completando un suo pensiero) — Tanto, manco niente facimmo…

Don Lorenzo — Se n’è gghiuto^[2] pure ’o cantante…

Gennarino — Almeno chillo fermava nu poco ’e gente…

Ferdinando (ha un idea) — Don Alfo’… ma vuie na vota nun cantaveve p’’e ssocietà? Pecché nun facite na cosa… Questi (allude ai passanti) sono abituati… Nel vostro interesse…

Don Alfonso — Eh… io sto fuori esercizio… Tengo nu repertorio viecchio… Che faccio? «’A resata»?

Ferdinando — Eh, facite «’A resata»… Sempre se fermarrà quaccuno, e quacche cosa acchiappate! (Ai compagni) Re maggiore! (I ciechi suonano «La risata» di Cantalamessa. Don Alfonso si dispone a cantare la «macchietta» con atteggiamenti, da «comico», di vecchie «periodiche»).

Don Alfonso

Io tengo ’a che sso’ nato
nu vizio gruosso^[3] assaie;
nun l’aggio perzo^[4] maie,
va trova lu pecché.
M’è sempre piaciuto
di stare in allegria;
io la malinconia
nun saccio che robb’è!
Sarrà difetto gruosso chistu ccà!
Ah! Ah! Ah! Ah!
Ma io ’o tengo e nun m’’o pozzo cchiu levà!
Ah! Ah! Ah! Ah!

⁠(La breve risata del ritornello è eseguita dai ciechi, all’unisono con Don Alfonso)

Ferdinando (dopo la risoluzione della prima parte della «macchietta») — Don Alfo’…?

Don Alfonso — Ched è?

Ferdinando — E venuto nisciuno?

Don Alfonso — No.

Ferdinando — E facite ’a siconda parte…

Don Alfonso (ripiglia il canto)

Io rido si uno chiagne^[5],
si stongo^[6] disperato.
Si nun aggio magnato^[7],
Io rido comm’a che…

1. ce guarda ‘a vista ’e ll’uocchie: ci protegge la vista.
2. gghiuto: andato.
3. gruosso: grande
4. perzo: perso.
5. chiagne: piange.
6. stongo: sto.
7. magnato: mangiato.