Lo cunto de li cunte/Sonetto finale

'A Wikisource.
 EPUB   MOBI   PDF   RTF   TXT
[p. 213 càgna]

A chi ha lejuto sto livro o scorrenno, o completanno

SONETTO

Del M. R. S. D.


P e quacche errore, che trovato avisse,
   O Lejetore mio, drinto ste Ccarte,
   Mormorare è bregogna, ca chest’Arte
   Porzì ad Argo la fa, comm’autro disse.

E po, setu saje lejere, de chisse
   O d’autre arrure pigliane la pparte;
   Se no nne faje, pe ffarela da Marte,
   A sto remmedio attenere perrisse.

Recepe Santacroce no tornese,
   Ne ghire cchiù co ll’asene ’nvardate,
   E saperraje cchiù tu de lo Chiajese.

Lasanno perzò tutte ste bajate,
   Leje, e relieje, ed agge ’n toscanese,
   Il buon prode ti faccia, e ssanenate.