La Vaiasseide/De lo Smorfia
DE LO SMORFIA
Accademeco Pacchiano.
F
Erma ferma Poeta, affe c’hai cuerto
Ire tant’auto co sti vierze tuoie,
Ah poveriello vurociolare vuoie
Azzò ne chiagna Lavinaro e Puerto.
Comme songo Aseno; havea lietto stuorto,
Manco nce veo à l’uocchie de li groie
Tu laude le vaiasse ne? à ca puoie
Ire zompano da l’Occaso, a Huorto.
Va puro, va Poeta, va’n Parnaso,
Ca na sarma de frasce hanno cogliuto
Le Muse pe te fare na corona.
Mo sì ch’onne Poeta è no Paputo,
E pò ire à strigliare lo Pegaso,
Ca tu sì l’arc’Abbate d’Alecona.
