Canzone e Ariette nove/Canzone nove/Zincaresca

by Salvatore Di Giacomo

 EPUB   MOBI   PDF   RTF   TXT

 

Zincaresca.

E férmete, rilorgio, nu mumento,
     quanto cu ninno mio parlo ccà nnante:
     quanto sti ppéne meje tutte lle conto:
     quanto c’’o chianto a ll’uocchie isso mme sente…
     5Quanto sti ppéne meje tutte Ile conto….

Ninno! Io t’amaie pe chiste ricce nfronte!
     Ninno, io t’amaie pe st’uocchie tuoie lucente!
     Ninno, io nun dormo, e tu nun ne saie niente!
     Io mme cunzumo — e tu nne si’ ngnurante!
     10Ninno, io t’amaie pe chiste ricce nfronte….

E làssela a chest’ata, ca s’avanta
     ca dint’ ’e mmane soie te tene strinto
     e nun ce sta chi ’a mette pede nnante....
     Oi ninno! E famme vencere stu punto!
     15E làssela a chest’ata ca s’avanta....

E sia ludato Dio! Ninno accunzente....
     Sona, rilorgio, ca tu suone e io canto!
     Sona vintiquatt’ore alleramente,
     chesta è ll’ ora ca torna il caro amante!....
     20Ah, sia ludato Dio! Ninno accunzente!....

This page was moved from . It's edit history can be viewed at Chiàcchiera:Canzone e Ariette nove/Canzone nove/Zincaresca