Canzone e Ariette nove/Canzone nove/Na casa mm' aggia fa...

'A Wikisource.
 EPUB   MOBI   PDF   RTF   TXT
 

[p. 41 càgna]



Na casa mm’aggia fa…


Na casa mm’aggia fa ncopp’’a muntagna,
     e nu ciardino c’’o milocutugno,
     cu na spallera ’e giesummine ’e Spagna
     tutta nzertata cu rose sanguegne!
     E ce voglio iettà, p’’a fa cchiù degna,
     ’e dudece carri senza sparagno!
                    Oi, llà llà!
               E chi ’a ngegna
                    dint’Abbrile
               chesta casa signurile,
               chesta casa accussi bella?
                    Catarenella!

[p. 42 càgna]


Ce voglio fa na càmmera a levante
     ca nce ha dda venì ’o sole appena sponta,
     e nce s’ha dd’affaccià, janca e lucente,
     ’a luna ’a miez’ ’o cielo e ’a copp’ ’e monte!
     E nun ce ha dda mancà, tutta d’argiento,
     pure ll’acquasantera ’e ll’acqua santa!
                    Oi, llà llà!
               E chi ’a ngegna
                    dint’Abbrile
               chesta stanza
               signurile,
          chesta stanza accussì bella?
                    Catarenella!

[p. 43 càgna]


Ce voglio situá nu lietto ’attone,
     cu quatto matarazze a tutta lana,
     c’ ’o lenzulo pe sotto, oie, de cuttone,
     e c’ ’o lenzulo ’e coppa ’e tela ’e lino!
     E che cuperta, neh, che seta fina!
     E che burdura ricamata a mano!…
                    Oi, llà llà!
               E chi ’e ngegna
                    dint’Abbrile
               chistu lietto
               signurile,
     e sta stanza accussì bella?
                    Catarenella!….

This page was moved from . It's edit history can be viewed at Chiàcchiera:Canzone e Ariette nove/Canzone nove/Na casa mm' aggia fa...