Canto dei sanfedisti

'A Wikisource.
Jump to navigation Jump to search
EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

A lu suono de grancascia
viva lu popolo bascio,
a lu suono de tammurielli
so’ risorte li puverielli;
a lu suono de le campane
viva viva li populane,
a lu suono de viuline
morte alli Giacubbine!
Sona sona
sona Carmagnola,
sona li cunsiglie,
viva ’o Rre colla famiglia.

2A Sant’Erme tanta forte
l’hanno fatto comm’a ricotta
a stu cornuto sbrevugnato
l’hanno miso ’a mitria ’n capa.
Maistà, chi t’ha traduto?
Chistu stommaco chi ha avuto?
’E signure, ’e cavaliere
te vulevene priggiuniere!
Sona sona
sona Carmagnola,
e sona li cunsiglia
viva ’o Rre colla famiglia.

3Alli tridece de giugno,
Sant’Antonio gluriuse,
’e signure a sti birbante
je facettero ’o mazzo tante!
So’ arrivate li francise,
aute tasse n’ci hanno mise,
liberté, egalité
tu arruobbe a mmè
je arruobbe a ttè!
Sona sona
sona Carmagnola,
e sona li cunsiglia
viva ’o Rre colla famiglia.

4Li francise so’ arrivate
ci hanno bbuono carusate,
et voilà, et voilà...
cavece ’n culo a la libbertà!
Addò è ghiuta donn’Eleonora,
c’abballava ’ncopp’o tiatro?
Mo abballa miez’o mercato
’nzieme cu Mastu Donato!
Sona sona
sona Carmagnola,
e sona li cunsiglia
viva ’o Rre colla famiglia.

5A lu ponte d’a Maddalena
’onna Luisa è asciuta prena
e tre miedece che banno
nun la ponno fa’ sgravà.
A lu muolo senza guerra
se tiraie l’albero ’n terra
afferraino ’e giacubbine
’e facettero ’na mappina.
Sona sona
sona Carmagnola,
e sona li cunsiglia
viva ’o Rre colla famiglia.

5Addò è ghiuta donn’Eleonora,
c’abballava ’ncopp’o tiatro?
Mo abballa ch’e vruccole e rape
n’ha potute abballà chiù!
È fernuta l’uguaglianza
è fernuta la libbertà
pe ’vuie so’ dulure ’e panza!
Signò, iateve a cuccà!
Sona sona
sona Carmagnola,
e sona li cunsiglia
viva ’o Rre colla famiglia.

6Passaie lu mese chiuvuso
lu ventuso e l’addiruso
,
a lu mese che se mete
hanno avute l’aglio arrete!
Viva Tata Maccarone
ca respetta la Religgione,
Giacubbine iate a mare,
ca v’abbrucia lu panare!
Sona sona
sona Carmagnola,
e sona li cunsiglia
viva ’o Rre colla famiglia.