Paggena:La Divina Commedia Napoletano Domenico Jaccarino-Nfierno.djvu/92

— 94 —

Vide chelle che l'aco e lo telaro
Lassajeno già pe ffarese annevine;
Le ffatture facenno 'mparo 'mparo.
Ma vienetenne, che stammo a la fine
Nfra cielo e terra, e già se tocca l'onna
Sotto Sebilia, Caino, e le spine;
E ajiere a nnotte fuje la luna tonna:
E t'àje d'allicordà che te schiaraje
Jenno pe dinto a vuosco fronna fronna:
Zzò dicenno da llà m'allontanaje.

CANTO VENTUNESEMO ARGOMIENTO

Dinto a chisto canto se parla de la quinta borgia, dinto a la quale se punesceno li truffaiuole, che songo menate dinte a li bbutte de pece vollente, e songo guardate da diavole, a li quale, lassanno a la spartuta Dante, s'appresenta Vergileo, e cercato e avuto lo permesso pe passà nnanze, tutte e duje se tornano a mettere ncammino.

Ccossì de ponte 'mponte, autro parlanno
Che la commeddia mia cantà non cura,
Venettemo a la cimma usto quanno
Restajemo pe vedè de ll'autre mmura
De Malaborge, e l'autri lamiente,
E la vedette tutta quanta scura,
Quale pe l'arzenale mmiezo a bbiente
Volle la pece a lo vierno jelato
P'arrepezzà li rutte bastemiente
Che cammenà non ponno, e a sto ccontato
Chi fa nova la varca, e chi co stoppa
Acconcia chella che àve cchiù viaggiato;
E chi vatte da prora e chi da poppa,
E chi fa rimme, e chi te fa le ssarte,
Chi terzaruole acconcia e sotto e ncoppa;