Paggena:La Divina Commedia Napoletano Domenico Jaccarino-Nfierno.djvu/68

'A Wikisource.
Chesta paggena è stata leggiuta du' vote e mo è fernuta.
— 70 —

E io: Si Masto, dimme addò se trova
D'Acaronte e de Lete li duie sciumme,
E chi è che ffà fa sta brutta chiova?
Mme piace aca tu smuove sti fumme,
Dicette: ma chest'acqua tenta rossa
S'avria avuto da dì che so ste scumme.
Lete vedraie, ma fora de sta fossa,
Llà addò vanno chell'aneme a lavarse
Quanno la corpa lloro àve na scossa.
Ma mo vide ch'è tiempo de scostarse
Fa lo vuosco che vide a chest'asciuta
Ca li scianche non so state a brusciarse
E 'ncopp'a lloro ogne vampore stuta.


CANTO QUINNECESEMO
ARGOMIENTO
Traseno li Poete dinto a lo nono girone, e allontanatose da lo vuosco pe muodo che cchiù non se poteva vedere niente, 'ncontrano pe l'aria na schera de aneme tormentate, e chiste songo li violiente contro a la natura; nfra li quale Dante canosce a Brunetto Latini, lo Masto de scola sujo, a lo uqale fa fà la profezia de l'asilio sujo.


Mo nce ne porta la sponna mpetrata
E lo fummo nce fà n'ombra da nante,
Ca l'acqua da lo ffuoco nn'à toccata.
Comme stace nira Bruggia e ntra Guzzante,
P'allontanà lo mare na semmana
Lo ponte che non te fà avè sti schiante;
Comm'a la Brenta, gente Padovana
Castielle e ville llà se defennette
Primma de sentì caudo Chiarentana;
Erano chille eguale, e li bbedette,
E aute non erano e nè gruosse,
E comme llà lo Masto lli ffacette,