Vai al contenuto

Paggena:Zingari - Raffaele Viviani - 10 commedie.djvu/51

'A Wikisource.
Chesta paggena è stata leggiuta.
Zingari 243
ATTO TERZO


⁠Tela. La scena
⁠S’intravede come in una visione di delirio la scena del primo atto, tutta effusa da una densa nebulosa.

Musica

La voce d’’o figlio d’’a Madonna — …Palomma mia, me so’ ssanato. Te perdono. Nun simmo cchiú zingare. Viene vicino a mme, tutta vestuta janca. Quanta sciure. Quanta sciure. Quanta sciure. (Durante quest’ultima esclamazione si va diffondendo una luce chiara, abbagliante. Dall’alto, piovono foglie di rosa).

Spezza la musica

La voce di Palomma — (con un grido) Gennari’! (Entra Palomma. È in abito da sposa con un velo bianco e fiori d’arancio. La seguono Palmira e ’A mariola in curiose acconciature da festa) (Entra dalla sua tenda ’ O figlio d’a Madonna, vestito da cerimonia, con tuba, e guanti).

’O figlio d’’a Madonna — (muove verso la sposa. È raggiante) Palo’! (Lo seguono Guarracino, Zi’ Pascale e’ O guaglione, anch’essi a festa, in nero e guanti bianchi. I due giovani si abbracciano) Sì d’’a mia finalmente, tutta d’’a mia! Quanto ll’aggio aspettato chistu juorno! Quanto! (Agli uomini) Avite viste? V’’o ddicevo?! Mo nun simmo cchiú zingare!

Guarracino — Nun sarrate vuie, pecché mo ve ne jate. Ma nuie mo ce spugliammo, e gghiesce ’o zingaro ’a sotto.

Zi’ Pascale — E meh, partite, nun perdite tiempo, jatevenne.

’O guaglione — Pò scennere ’O diavulone ’a nu mumento a n’ato.

’O figlio d’’a Madonna — No, io nun ve lasso! Io aggi’a salva’ pure a vvuie! Già tengo ’o piano: avimm’a assalta’ ’o carruzzone; ’e ffemmene attaccano a Marella e ’A fattucchiara; io dongo a ffuoco tutto cosa, e tu (a Guarracino) t’affierre[1] cu ’O diavulone!

Guarracino — Io te faccio pazzo[2]! E si chillo mme spertosa[3]?!

  1. ↑ t’affierre: lotti corpo a corpo.
  2. ↑ io te faccio pazzo!: io credo che tu sia pazzo!
  3. ↑ spertosa!?: buca!? Qui nel senso di: ferisce, fa un buco?