| Zingari | 239 |
ZI' PASCALE - Ce l'aggio spiato.
'A FATTUCCHIARA (esasperata) E che ha ditto?!
MARELLA - (prevenendo Zi' Pascale che fa per parlare) Che ce ne 'mporta a nnuie, mam-
mà! Penzammo 379 a chisto, mo. (Mostra l'ammalato. Poi al secondo medico) Dotto',
che freva tene?
IL SECONDO MEDICO - 'A freva? 'A freva 'a tengh'io! Chillo m'ha scassato dduie ter-
mometre. Aggi'a avut'a manna' a ppiglia' 'o terzo.
'O GUAGLIONE - E va buo'... Si sapisseve all'ati miedece che l'ha fatto!
IL SECONDO MEDICO - (con sarcasmo) È ove'?
'A FATTUCCHIARA - (afferra Marella per un braccio) Tu saie... Tu saie...
MARELLA - Non saccio niente... Ah, me faie male... E pure si sapesse...
'A FATTUCCHIARA - Parla! Hê 'a parla'! (La percuote).
-
MARELLA (stizzita) Eh! E parlo! Che me metto appaura? Palomma è stata 'a fem-
mena 'e mariteto!
GUARRACINO - !! D' 'O diavulone? (Gli zingari si guardano allibiti. Il medico ha un'espres-
sione di disgusto, e volta le spalle al gruppo).
'A FATTUCCHIARA - (tremando di rabbia) Palomma, 'a femmena 'e pateto?
MARELLA - Eh, sì, teneva tridice anne! Ll'aggio saputo poco fa! E so' stat'io ca ll'ag-
gio ditto: Vattenne! (Entra 'O diavulone, accigliato).
'A FATTUCCHIARA - (lo afferra di scatto, lo trae in disparte, e gli grida sul volto)... A tridice
anne ll'hê avuta...? Zingaro! (Ed esce, trascinata da Palmira e da Pupella).
'O DIAVULONE - (fulmina con lo sguardo Guarracino, 'O guaglione e Zi' Pascale) Chi ha
parlato? Isso? (E mostra il malato).
MARELLA (scattando) No! Aggio parlato io!
-
'O DIAVULONE - Tu?! (Le afferra i polsi, la getta in terra, fa per colpirla).
MARELLA - Lassateme! (Esce in fretta).
IL FARMACISTA - (rientrando, al secondo medico) Ccà sta 'o termometro.
IL SECONDO MEDICO - (lo mette sotto l'ascella dell'ammalato) Vedimmo si rompe pure
chisto!
'O DIAVULONE - Dotto'...
IL SECONDO MEDICO - Che volete?
'O DIAVULONE - Voi che ne dite?
IL SECONDO MEDICO – Di che?
-
'O DIAVULONE – Di quello che avete sentito.
-
IL SECONDO MEDICO - (un po' timido) Vedete, se è vera la cosa, questo Diavolone de-
v'essere proprio un mascalzone!
'O DIAVULONE - Sì?
IL SECONDO MEDICO - Un maialone mai visto!
'O DIAVULONE - E... pecché? (invano Guarracino, 'O guaglione e Zi' Pascale tentano
d'impedire che il medico persista nell'equivoco) Zitte vuie!
IL SECONDO MEDICO - Diamine! Seduce la ragazza che ha allevato, avendo una mo-
glie ed una figlia zitella!
379 Penzammo: pensiamo.
