Paggena:Zingari - Raffaele Viviani - 10 commedie.djvu/36

228

Raffaele Viviani

MARELLA (sempre con la sua triste gelosia) Fatte vede'... (E spinge Palomma più vicina al lettuccio). PALMIRA (a Marella) Ma che bbene, sentite! PUPELLA-Appena arape 300 ll'uocchie chiamma a essa! (Marella annuisce). 'O DIAVULONE - A mme, me vulive accidere. MARELLA - A mme, me vulive fa' guerra. GUARRACINO - 'A me vulive 'o core, 'o fegato, 'a curatella 301 ... 'A FATTUCCHIARA - Dicive ca io avevo fatto na fattura a Palomma... 'O DIAVULONE - ... E ca io m' 'a vulevo piglia'. MARELLA - (fra sé, cattiva) Pure dint' 'o suonno se mette paura ca s' 'arrobbano³02! (Esce). 'O FIGLIO D' 'A MADONNA - E che ssaccio... Nu cuofeno 303 'e 'mbruoglie... Ma ac- cussì naturale... Pareva comme si tutte quante me fusseve state nemice... E in- vece... PALOMMA-Avimmo chiammato 'o miedeco. 'O FIGLIO D' 'A MADONNA - Chillo d'aiere? GUARRACINO - Chillo d'ogge. 'O GUAGLIONE - (ironico) Ccà non badammo a sacrificie! 'O FIGLIO D' 'A MADONNA - Ah? l'avite trovato, a n'atu miedeco? E che ha ditto? PALOMMA - Tiene 'a pulmunite. E dice che avarriss'a 304 sta' a na parta 305 chiusa, ché ccà ce sta troppa ventilazione. 'O DIAVULONE - (alla moglie) 'O vulimmo purta' dint' a ddu nuie? pec- 'O FIGLIO D' 'A MADONNA - ('A fattucchiara approva) No! (Pausa) E quanno vene mo n'ata vota 'o miedeco? GUARRACINO - N'ato ce ne sta ccà, a Capodichino, e 'o chiammammo dimane. 'O GUAGLIONE - Po' ll'ate hann'a veni' 'a fore paese. 'A MARIOLA (entrando) Neh, a mangia'! (A 'O figlio d' 'a Madonna) Gué, Gennari', comme te siente? (Il giovane fa un gesto vago, e si sforza di sorridere). 'O DIAVULONE - (mentre gli altri, tranne Palomma, si avviano all'uscita) Guarraci', va spedisce 306 sta mmedicina. GUARRACINO - Pasca'. ZI' PASCALE - E vide si non chiamma sempe a mme! (Esce in fretta con gli altri). GUARRACINO - (a 'O diavulone) Non ce pozz' i' doppo mangiato? 'O DIAVULONE - Va! mentre se mmenesta... (Lo avvia, escono. Palomma ha ripreso a piangere). 'O FIGLIO D' 'A MADONNA - Pecché chiagne? Allora so' malato grave! 'O ssaccio, mm' 'o ssento, ca sto mmale. 300 arape: apre. 301 curatella: dim. di corata. 302 s'arrobbano: se la rubano. 303 Nu cuofeno: una grande quantità. (Cfr. Viviani, Teatro, I, p. 224, n. 83). 304 avarriss'a: dovresti. 305 na parta: una parte, un luogo. 306 va spedisce: va 'a spedire.