| Zingari | 225 |
’A fattucchiara — (trova il coraggio di dire) Signuri’, sta malattia ’e chisto ce ha arruvinato[1].
’O diavulone — ’O vvedite? Tutte quante attuorno a isso, perdute…
’A tatuata — ’A tre gghiuorne… Chi ha tenuta ’a capa[2] ’e fa’ niente?
Zi’ Pascale— Nun se dorme.
Guarracino — Nun se magna.
Marella — Nun se fatica. Nun se cunzegna[3].
Pupella — Signori’, nun c’è scuorno.[4]
’O guaglione — (terminando la frase che Pupella forse non avrebbe pronunziato)… Ccà nun ce stanno manco ’e solde pe’ piglia’ ’e mmedicine.
Il medico — Ah?!
Guarracino — Manco ’e solde pe’ paga’ ’o miedeco.
Palmira — (al marito) E menu male ch’avimmo truvato ’o signurino ch’è caritatevole…
Guarracino — Ma certo! E si era n’ato, ’a ccà nun se muveva.
Il medico (rifacendo l’intonazione di voce di Guarracino) E chi se move! (Deciso) Io aggio fatto ’a visita, e voglio essere pagato. (Pausa).
’A mariola — (con falso accento pietoso) Signuri’, comme tiene ’a faccia, tiene o core. Chillo figlio che hê perduto, ’all’ato munno, pregarrà[5] Ddio pe’ tte…
IL DOTTORE — A me non mi è morto nessun figlio!
’A mariola (cercando di riparare) Ah! V’avevo pigliato po miedeco ca venette aiere.
Il medico — E ’o miedeco ca venette, pure accussì ’o pagasteve[6]?
Guarracino — (approva con un cenno del capo) E chillo ’e l’autriere[7] nun fuie pagato accussì?
Il medico — (con sarcasmo) Ah? Vuie cagnate nu miedeco ’o juorno?
’O guaglione — Pe’ forza. Vuie ce venarrisseve dimane[8]?
Il medico — A mme? M’hann’a accidere![9]
Marella — (avviandolo) ’A Madonna t’accupagna.
’O diavulone — (alla figlia) Thê pigliato l’indirizzo?
Il medico (mentre Marella fa un cenno di sì con la testa, ripete a sua volta) Si! (Come dire: Ormai!).
’O diavulone — Occorrendo, vi manderemo a chiamare.
Zi’ Pascale— Mannammo[10] a chiamma’ pure a ll’ate…
Il medico (approvando ironicamente) Eh! Facimmo nu cunsulto!
- ↑ arruvinato: rovinato.
- ↑ tenuta ’a capa: avuto la testa: avuto la voglia.
- ↑ cunzegna: consegna (il lavoro fatto).
- ↑ nun c’è scuorno: non ho vergogna a dirlo.
- ↑ pregarrà: pregherà.
- ↑ 'o pagasteve: lo pagaste.
- ↑ l’autriere: l’altro ieri.
- ↑ ce venarrisseve dimane?: ci verreste domani?
- ↑ M’hann’a accidere!: mi devono uccidere (se lo faccio)! Cioè: neanche se mi uccidessero!
- ↑ Mannammo: mandiamo.
