| 224 | Raffaele Viviani |
’A fattucchiara — A mme dice ca io avevo fatto na fattura ’a ’nnammurata p’a fa’ muri’…
’A tatuata — E chiammava a mme pe ce ’a fa’ leva’… (Rievocando il delirio del malato) «Tu l’hê ’a salva’»…
Marella (con amarezza) Cu mme, po’, ce l’aveva a morte!
Guarracino — A mme m’avrà chiammato duiciento vote[1]. Ogne cosa ’a vuleva ’a me. Vuleva ’o sango, vuleva l’ogne… All’ultimo, vuleva essere tirate ’e cchiú luonghe…
’O diavulone — Parlava comme si fosse stato ’mmiez’a tante nemice.
Il medico — E già. Nel delirio della febbre, fantasticava… Qualche piccolo dispiacere intimo lo vedeva ingigantito; così invocava sempre accanto a sé le persone più care.
Marella — …Ma chella ca cchiú annummenava[2] era Palomma… (E la guarda con invidia).
Palomma — (con tristezza) Eh! tanta vote ce l’avite annummenato stubbene, ca nne state vedenno ’a fine!
’O diavulone — Neh, e pecché parle accussì?
Marella — Lassata i’[3]. Chella mo, p’ ’o dolore, nun ragiona cchiú, manch’essa.
’A fattucchiara — (per far troncare quell’inizio di discussione) Nu poco ’e rispetto, ca ce sta ’o veterinario ccà…
Il medico — Che veterinario? Il dottore… il medico…
’O guaglione — (spiegando alla fattucchiara) ’O veterinario è ’o miedeco ’e ll’animale.
Zi’ Pascale— ’O miedeco de cane!
’O diavulone — Signo’, scusate. Chella è na zingara.
Il medico — Beh, io vi saluto. (Porge al capo tribù una ricetta che precedentemente aveva scritto) Datele sta bevanda. Ma certo io direi portatelo in un ambiente chiuso. Ccà, ’mmiez’’a ventilazione, chisto se arricetta[4] cchiú ampressa[5]!
Palomma — Si o purtassemo a nu spitale[6]?
Il medico — All’ospedale nun l’accettano. Gli ospedali sono per i signori, per quelli che possono pagare. Ci vorrebbe una forte raccomandazione. E chi v’’a fa? Questo è un provvedimento che deve esser preso subito, se no l’ammalato se ne va. Beh, vi saluto. ('O diavulone guarda tutti gli altri, e scambia espressioni che lasciano comprendere come non ci siano soldi per pagare il medico).
Guarracino (al medico) Arrivederci…
IL MEDICO — (accortosi che nessuno fa per pagagli il suo onorario)… Come «arrivederci»?
Guarracino — E vuie nun avit’a turna’?