| Zingari | 215 |
morte! Dille ca ’o resistesse; p’’o riesto, mm’’o vveco[1] io. Ma tu sarraie d’’o mio!
’O figlio d’’a Madonna — D' 'o tuio! (S’avvia nella sua tenda, mormorando fra i denti) A costo ’e muri’ asfissiato! (Intanto Marella è apparsa, guardinga, e scompare nel carrozzone. ’A tatuata esce) Guarraci’!
Guarracino (entrando) Te servono nu paro ’e piede?
’O figlio d’’a Madonna — No, me serve nu core!
Guarracino — Io l’aggio ditto ca quacche cosa te mancava!
’O figlio d’’a Madonna — (gli mostra il piccolo fascio d’erba) Ccà ce sta ’o mazzetto, ’o vi?
Guarracino (tra sé, sarcastico) Ha dda fa’ ’o brodo!
’O figlio d’’a Madonna — Statte vicino ’o carruzzone. Io aggi’a parla’ a Palomma. Vide si scenne ’O diavulone!
Guarracino — E si ’o veco ’e veni’?
’O figlio d’’a Madonna — Saglie ’ncoppa, e ce ’o ’mpediscel
Guarracino (interdetto) Comme ce ’o ’mpedisco?
’O figlio d’’a Madonna — O cu ’o bbuono o cu ’a forza!
Guarracino — Addo’ ’a piglio, sta forza?
’O figlio d’’a Madonna — T’’a dongh’io. Va!
Guarracino (fa un gesto di diniego) A cchi? (Chiama) Pasca’! (Entra Zi’ Pascale) Miettete vicino ’o carruzzone. E si vide ’e scennere ’O diavulone sona ’a tromba! (Esce).
Zi’ Pascale(contrariato, volge gli occhi al cielo) Sia fatta ’a vuluntà[2] d’’o diavulo! (Si avvicina al carrozzone tremando).
’O figlio d’’a Madonna — (furtivamente, alla tenda di Palomma) Palo’!
Palomma (entrando, atterrita) Nun te fa’ vede’! Vene ’o padrone!
’O figlio d’’a Madonna — (convinto) Nun vene! E si vene, ce sta Pascale!
Zi’ Pascale— Eh! (Come dire: Sta sicuro, ma in senso ironico) Ce stongh’io!
Marella — (si affaccia dal finestrino, scorge i due giovani, e si ritrae subito con ira mal repressa).
’O figlio d’’a Madonna — (dà alla ragazza il piccolo fascio d’erba) Miettete stu mazzetiello d’evera ’mpietto. E si te vene nu dulore ’e capa, resistelo.
Palomma — (spaventata) Me vonno fa’ quacche fattura?
’O figlio d’’a Madonna — Sì, ma cu chest’erba, nun te coglie[3]! So’ sette cape e rrobba, sett’erbe velenose. Na contro fattura, va spezza tutt’’e ccurrente d’’o mmale! (Frattanto è entrato ’O diavolone, profittando dell’assenza di Zi’ Pascale, che nel vederlo suona la tromba. Al suo indirizzo ’O figlio d’’a Madonna mormora tra i denti) Puozze jetta’ ’o sango[4]!
Zi’ Pascale— (sbalordito) E sciso ’a cielo! (Chiama) Cuarraci’! (Esce).
