| 208 | Raffaele Viviani |
Guarracino — (a Zi’ Pascale, come dire: evita) Sona!
’O guaglione — Sunate! (E ride. Zi’ Pascale, seccato, riprende a suonare la tromba).
Marella (a ’O figlio d’’a Madonna, che si è avvicinato a lei) Pecché hê fatto chiacchiere cu papà?
’O figlio d’’a Madonna — Pe niente…
Marella — (con disappunto visibile) Pe’ Palomma?
’O figlio d’’a Madonna — (rapido) Pateto[1] ’a vò bbene.
Marella — E tu pure! (’O figlio d’’a Madonna la guarda sorpreso; ella replica) Tu pure!
’O figlio d’’a Madonna — (vedendo che ’O diavulone ha chiamato a sé Palomma e le parla, con rabbioso dolore) E pateto ’a vò perdere, e ’a perdarra’.
Marella — Nun ce credo. E po’? (Guardandolo fisso negli occhi) Te preme assaie stu fatto?
’O figlio d’’a Madonna — (impulsivamente) Sarrie[2] capace ’e ll’accidere!
Marella — (colpita) Ah! Tanto ca chella guagliona t’è cara?!
’O figlio d’’a Madonna — È comme a mme: senza genitore. Nun ha avuto ato affetto ca ’o mio. Lle songo[3] nu poco pato[4], nu poco frato[5], nu poco mamma. E perciò ca tengo ’o duvere d’’a guarda’!
Marella — E allora pe’ tte è quistione ’e vita o ’e morte?
’O figlio d’’a Madonna — L’aggi’a salva’!
Marella — (dominando la piena dei suoi sentimenti, con apparente dolcezza) E siente. Io mo te prupongo na cosa. Io tengo ’o mezzo ’e salva’ a Palomma.
’O figlio d’’a Madonna — Tu?
Marella – Io. Si è sulo p’’a salva’, si è nu sentimento ’e cuscienza, e nient’ato.
’O figlio d’’a Madonna — Che vuo’ dicere?
Marella — Palomma nun sarrà tuccata, manco[6] nu capillo[7]. Ma tu, nun ’a guardarraie cchiù. Tu sarraie d’’o mio.
’O figlio d’’a Madonna — (profondamente sorpreso) Io?
Marella — Sì. Songh’anne[8] che me cunsumo. E tu, cecato[9] pe’ Palomma, nun m’hê maie visto, nun m’hê maie saputo capi’…
’O figlio d’’a Madonna — Mare’…
Marella — (abbandonandosi all’impeto della sua passione) Guardame! Vaco[10] Palomma, o no? St’odio cu patemo fernarrà[11]. Io t’’a levo ’a dint’e vene[12]! E tu ce miette a mme, a Marella. Patemo nun truvarrà difficoltà, pecché sarraggio io
- ↑ Pateto: tuo padre.
- ↑ Sarrie: sarei.
- ↑ songo: sono.
- ↑ pato: padre.
- ↑ frato: fratello.
- ↑ manco: neanche.
- ↑ capillo: capello.
- ↑ Songh’anne: sono anni.
- ↑ cecato: cieco (d’amore).
- ↑ Vaco: valgo, equivalgo a…
- ↑ fermarrà: finirà.
- ↑ t’’a levo ’a dint ’e vvene: te la tolgo dalle vene. Cioè te la faccio dimenticare.
