Credetti., ma già, pecchè nun l’avea ’a credere? E... e amai.. Per natura nervosa, sensibilissima... eccitabile.. amai a 16 anni come altre a venti. Con entusiasmo.. con passione... con disperazione.. Sì, con disperazione!.. cierti vote avria vuluto ca isso m’avesse muzzecata, m’avesse maltrattata, m’avesse fatto male... E passaie n’anno. E stevem’ ’a vigilia... quasi. Io nun vedeva, io nun capivo., io nun senteva ato ca isso (con rimpianto). Era accussi beliillo! Teneva 20 anne! No piccerillo, già, no piccerillo! Ma ce vulevamo tanto bene! E pure essa ’o vuleva bene., comm'a figlio... e... E no giorno ienno a na passeggiata in barchetta (stevem’ a Como) cu cierte amiche, veco a isso ca iev' ’a casa. Isso nun me vede. Io approdo, piglio na scorciatora.. vaco a casa., traso ’mponta ’e piede., pe’ farle na sorpresa (comme me sbattev’ ’o core!).. traso... e trovo a essa e isso... (covrendosi le mani col volto). Oh... oh... (con ribresso). Tengo trent’ anne e me faccio rossa ancora penzannoce! E tanta vote., (tanta vote?.. sempe..) ’e notte ’e veco.. ’e veco ancora., comm’allora.. comme a chillo giorno. (Pausa).
Giul. Vide. Ester: tu..
Ester (continuando senza badargli). Io cadette malata: steva murenno! nun murette! (con rincrescimento) nun murette! Quanno stette bona partii... e nun ce vedettemo cchiù. D’altronde., anche sema chesto dint’ ’a casa io nuu ce putevo cchiù stà! Na signurina... na piccerella... cierti ccose nnn 1’ ha da vedè.. e essa... oh essa nun sapeva neppure fingere!
Giul. Figlia mia, è questione ca tu cierti ccose nun ’e ccapisce...
Ester Che cosa nun capisco? Che cosa nun capisco?
Io saccio tutto! Io capisco tutto!
Giul. Erano mumente...
Ester Ah già 1 Erano mumente! Infatti essa, doppo, vicin" ’o lietto mio ha chiagnuto lagrime ’e sangue. ’E notte sane sane, sane sane ha vegliato! Pe’ quindici giorne nun vedette liette. E primola... E doppo... m’ ha dato sempe tutto chello ca vuleva... m avria
