Gin/. Comme te vularria vedè ragiunà.. Comme te vularria.. diversa..
Ester Ah! me vurrisseve diversa? E come, di grazia?
Comme a mammà mia? ah? comm’a mammà mia?..
Giul. No... ma...
Ester Ma che?.. Ma che?. Ah vuie credite ca me fa piacere a campà accussi? Ah vuie credite ca quanno rido, rido; ca quanno canto, canto., ca quanno sono., sono... No..* no... io chiagno. Chiagno quanno rido, quanno sono, quanno canto, quanno pazzeo. Sta vita mia nun è ca nu chianto. Ah vuie credite ca io nun a voglio vedè... accussi., pe’ no sfizio., pecchi so’ capricciosa... pecchè so’ nervosa... nevrastenica., (dicite, dicite, iammo!) Ma, Madonna mia chi è chillo pazzo., chi è chill’assassino, che tenenno ’a mamma., ’a mamma (con sospiro largo come espandendo tutto: r anima nella parola) nun s’ ’a vò tenè vicina, chi è chillo ca vò campa sulo, comme camp’io, comme a nu cane frustato?..
Giul. Ester., tu nun sai.
Ester Vuie.. vuie.. nun sapite! che sapite vuie? avite vista na femmena, na malata... l’avite curata... chesta v’ha ditto nu sacco ’e storie e vuie 1’ avite creduto. Pe vuie io so’ na stramba... pe vuie io so’ na capa sciacqua., chi sa., forse pure na faccia tosta..
Giul. (protestando) No., no..
Ester. E pecchè no? Chi di gallina nasce convien che razzoli.. Oh., non sareste il primo a dirmelo... non sareste il primo... E giacché ci siamo... giacché na vota s’avev’ ’a Teni su questo terreno scottante, esauriamo 1’ argomento e non ne parliamo più. Oh., sarò molto breve, per dimostrarvi ca nun so’ stramba, ca nun so’ pazza., ca nun so’ ingrata., io!
Giul. Ester.
Ester Oh è una storia vecchia. Io tenevo sidice anni. Se tratta ’e nu quattordici anni fa. Allora era asciuta d’ ’o cullegio. Doppo duie mise fuie fidanzata. Già, la cosa fu a Roma. Non ci conoscevano ancora. E... e fai fidanzata! (pausa). A 16 anni si pensano tante cose, se ne sognano tante altre e si è cosi inesperte!
