Chesta paggena è stata leggiuta du' vote e mo è fernuta.
Stongo screvenno: e ’o primmo raggio ’e sole
me vene a ndurà ’e ccarte nnanz’a me...
Sia beneditto! Isso me dà ’e pparole:
bello e lucente, rassumiglia a te!
Isso me dice: “ Pàrlele d’ammore!
“ Pàrlele sempe e mai nun te stancà!
“ Dille ca tene ’a vocca ch’è nu sciore
“ e l’uocchie suoi songo na rarità!
“ Dille ca tu, cu ’o core appassiunato,
“ ’a vurrisse purtà vicino ’e stelle,
“ pe lle di’, nnanza ’e piede addenucchiato:
“ Bella, sultanto tu, nfra tutt’ ’e belle! „
— 93 —
