Chesta paggena è stata leggiuta du' vote e mo è fernuta.
T’aggio sunnata int’a na varca d’oro
mmiezo a chest’acque de Venezia mia,
addò, guardanno attuorno, è nu tesoro,
suonno de l’uocchie e de la fantasia!
Vista e nun vista cchiù, t’aggio sunnata
e aggio strette sti braccia attuorno a te!
E chella vocca bella aggio vasata,
ca sape di’ l’ammore che rrobb’è!
Metteva ’o sole, dint’ ’o cielo chiaro
e dint’ ’o core mio, na striscia ’e fuoco.
’A varca jeva senza marenàro,
tu me murive nbraccia a poco a poco...
— 81 —
