Chesta paggena è stata leggiuta du' vote e mo è fernuta.
Ha cantato, pe tte, cose d’ammore
ca mai nisciuno te l’aveva ditte!
Nzanguinate, cu affanno e cu delore
t’ha scritto cose ca nisciuno ha scritte!
S’è tutto apierto comm’a nu granato
e ha ditto: Fa de me chello che vuo’!
Ma tu l’ ’e visto tanto addulurato,
e, Bella e Nfama, l’ ’e rispuosto; No!
Suddisfatta e cuntenta, allegramente,
mo’ ca stu core ha perzo ogne virtù,
redenno d’ ’e delure e d’ ’e lamiente,
tu nce pazzie, ma nun te mporta cchiù!
E nun fa niente! Sulo l’è abbastato
de sapè buono ’o spantecà che d’è;
e, comme Giesù Cristo ha perdunato,
isso perdona e benedice a te!
— 66 —
