Chesta paggena è stata leggiuta du' vote e mo è fernuta.
E si ’o core nun soffre tutt’ ’e spaseme
che n’ammore po’ dà, priesto perduto,
senza sincerità nun po’ fa credere
nu sentimento ca nun ha sentuto!
Guardeme assai, ca chisto desiderio
(ricuoradatello!) me l’hai dato tu,
quann’io, ca nun putevo cchiù resistere,
t’ammenacciai de nun guardarte cchiù!
Aprenno ll’uocchie comm’ ’e rrose s’apreno
tu me diciste, (e nun m’ ’o scordo mai!)
me diciste accussì: — No, nun po’ essere!
Guardeme sempe, a me! “Guardeme assai!„
Embè, te guardarraggio p’anne e secule
sapenno certo quanto aggio ’a patè,
si pure doppo a chesta vita misera
ll’uocchie d’ ’o core cercarranno a te!
— 42 —
