Chesta paggena è stata leggiuta du' vote e mo è fernuta.
Guardeme sempe! Guardeme,
pure quanno de me cchiù nun te mporta!
Chist’uocchie miei, stu core, se cuntentano,
pure si fosse na guardata storta!
Guardeme! ’A dint’ all’anema
saglie sta voce, ammore mio crudele!
Nun m’ ’e pozzo scurdà, chist’uocchie d’angelo,
chesti ddoi stelle ch’arrubbaste nciele!
Pazzo e scuieto, (pènsace!)
tu m’ ’e miso n’appicceco int’ ’o core!
L’anema e isso, ciento vote, giurano;
ma po’, giuranno, moreno d’ammore!
— 99 —
